ماذا عن الكتب إللي بيكتبها عالم وبتتكلم على موضوع علمي ؟

ماذا عن الكتب إللي بيكتبها عالم وبتتكلم على موضوع علمي ؟ إيه موقف الكتب دي من الإعراب ؟ هو على حسب
الكتب دي بتتنشر عن طريق دار نشر عادةً لا تراجع علمياً فلازم تخلّي بالك وعادةً بتبقى أسمائها جذابة وفيها بلاغة أدبية
زي مثلاً كتب : الموت عن طريق خرم أسود - تاريخ الوقت - ما كان أينشتاين لا يعلمه
فالكتب دي خلّي بالك منها فيها شوية كتب كفاءة وتستاهل وزنها دهب وفيها كتب زبالة فأنت خلّي بالك
على سبيل المثال لو أنا عالم مشهور وفي يوم من الأيام إتجننت في مخي وقررت أكتب كتاب عن الكائنات الفضائية وبعدين نشرته بدون مراجعة علماء
فانت ميصحش تقرأ الكتاب ده وتقول طالما عليه إسم الدكتور فلان الفلاني إذاً إللي بيقوله عن الكائنات الفضائية يبقى كلام علمي، ميصحش تعمل كدة
مثلاً على سبيل المثال في عالم أمريكاني إسمه مايكل بيهي بيشتغل مدرس في جامعة بيدرس
Biochemistry
وكتب كتاب إسمه
Darwin's Black Box
الصندوق الأسود بتاع داروين
يعني بيناقض نظرية التطور، فاللي بيحصل إن علماء المؤمنين بالخلق يقولوا شوف مايكل بيهي عالم أمريكاني خواجة أهو ، ولا من ديني ولا من دينك وبيقول إن التطور غلط، إذاً علماء الغرب يرفضون نظرية التطور ومش عارف إيه وشوية كلام فارغ كدة
طبعاً الكتاب إللي هو كاتبه مش من المصادر الموثوقة كمراجع للبحث العلمي يعني : لا أول ولا تاني ولا تالت . هو نشره كرأيه بدون مراجعة علمية
نشره ككتاب لكن مش في مجلة علمية، معداش الكتاب ده على
Peer reviewed
معداش على أي علماء زيه راجعوه ولا أي
Scientific review
لو رحت على الموقع الرسمي للكلية إللي بيشتغل فيها مايكل بيهي
هتلاقيه كاتب على نفسه التنويه ده : أفكاري عن التعقيد الغير قابل للإختزال والتصميم الذكي هي أفكاري أنا فحسب، كليتي وقسم الأحياء بالأخص لا يدعمان أفكاري، في الواقع معظم زملائي في القسم يعارضون أفكاري بشدة .
فده معناه إن الكتاب بتاعه ضد التيار ، ورأيه لا يمثل رأي العلم ، والكتاب إللي كتبه غير معتمد .
ومن هنا نقدر نقول إننا لازم نفرق ما بين المصادر الموثوقة المعتمدة وبين أي حاجة تانية حتى لو صدرت عن عالم .

إشاعة إختلاف العلماء على نظرية التطور لداروين

حكاية إن في إختلاف بين العلماء على نظرية التطور هي إشاعة مش صحيحة
الإختلاف موجود في الرأي العام، لكن داخل الوسط العلمي 99% من العلماء قابلين نظرية التطور ودي حاجة من بداية القرن العشرين، يعني مش حاجة جديدة
ولو حبيت تشوف الدليل على كدة روح لأي موقع من مواقع المجلات العلمية، زي
Journal of Biology
أو
PubMed
وأمثالهم
الأبحاث إللي في المواقع دي مبتتنشرش إلا بعد الموافقة من لجنة تحكيمية من العلماء، وده إللي بيخللي المصادر إللي في المواقع دي موثوق فيها
روح إعمل سيرش عن كلمة
evolution
مثلا، وهتلاقي عدد الأبحاث بالمئات وكلها مؤيدة لنظرية داروين
بعد كدة إعمل سيرش على كلمة
Creation
أو
Intelligent Design
وهتلاقي عدد الأبحاث إما صفر، ولو في بحث طلع فلن تجد واحد هيبقى معارض لنظرية داروين
ولو بصيت على أي كتاب من الكتب الدراسية من جامعات أمريكا وكندا وأستراليا وأوروبا واليابان هتلاقيهم كلهم بالإجماع موافقين على نظرية داروين
وبيعتبروها أساس لفهمهم للأحياء، فكلهم بيتكلموا عن التطور، وطبعاً مؤيدين لنظرية داروين

فلفسة مش فلسفة

في الحياة من حولنا الكثير

مما يجعلنا نتفلسف ونقول كلام يمكن لأول مرة نسمعه

وبنكتشف إنه كلام جميل وبيعجبنا أوي

بنتفلسف لما بنيجي نكلم بعض في أيديولوجيات

بنتفلسف لما بنيجي نكلم بعض في ثورة وأحداث مرت علينا في الحياة

حتى في الحب بنتفلسف على بعض

بنتفلسف لما نحب نقول لحد إننا بنحبه ، بنقعد نلف وندور علشان بس نعرف إللي بنكلمه إننا بنحبه

يا سلام لو بنتكلم بقى في أسلوب حياة ، شوف قمة الفلسفة إللي بتخرج مننا

ولا لما نروح مكان جميل ، أد إيه بنقعد نتفلسف ونتفنن في وصفه وفي الآخر نقول ده ميتوصفش ههههههههه

ولا لما بنيجي نتكلم في الدين ، كل واحد بيطلع فلسفته عالتاني بقى وبنقول عجب العجاب

ويا سلام لما حد يحب الشعر ويحسب نفسه شاعراً ، يقوم يتفلسف ويخرج كام بيت شعر وبكدة يعمل قصيدة

ولا لما واحد يعجبه التصوير يقوم واخد كاميرة ويروح أي مكان ويقعد يصور ويقولك أنا فنان ، فلسفة برضوا

وست البيت لما تحب تفاجئ جوزها تقوم تتفلسف في إختراع أكلة جديدة

ولا الراجل وهو مروح بيته يقوم يتفلسف ويجيب بطيخة جامدة جدي الفلسفة دي

ولما نخرج نتفسح بنتفلسف وبيبقى آخرنا الحاجات إللي نعرفها وشوفناها قبل كدة مش بنروح مكان جديد منعرفوش

وفي الدراسة بنتفلسف حتى في المذاكرة وإزاي نجيب الدراجات النهائية رغم إن كل ده كلام في الكلتش

حتى كلامي ده مجرد فلسفات فوق بعضيها علشان أخرج التدوينة دي

وفي الآخر يا حضرات أحب أقول إن كل ده إسمه فلفسة مش فلسفة

ودمتم

نظرية المؤامرة Conspiracy Theory

نظرية المؤامرة
أنا مش من النوع إللي بيؤمن بقضية نظرية المؤامرة
إلا على النحو الذي جاء في قول الله تعالى ( وَكَذَلِكَ جَعَلْنَا لِكُلِّ نَبِيٍّ عَدُوًّا شَيَاطِينَ الإِنسِ وَالْجِنِّ يُوحِي بَعْضُهُمْ إِلَى بَعْضٍ زُخْرُفَ الْقَوْلِ غُرُورًا ) [الأنعام:112]
لا يلزم أن يكون بين هؤلاء تعاون وتنسيق
يكفي أن المنسق الأساسي - الرأس الكبيرة - واحد
يعني هو عمال يوسوس لهذا ويوسوس لهذا بما يحقق له مصلحة نشر الفساد في الأرض
نشر الشر نشر البلاء
هذا هو الشيطان
الشيطان هدفه الشر والفساد
وربنا سبحانه يريد بنا اليسر ولا يريد بنا العسر
يريد أن يرحمنا يريد أن يهدينا سبحانه وتعالى
---
سؤال لمن يؤمنون بنظرية المؤامرة وليفكروا ملياً قبل الإجابة
هل الثورات العربية مؤامرة؟
---
عدم القدره على تفسير الاحداث نتيجه للجهل و نقص المعلومات بتسبب النوعيه دى من التفكير الغير سوى ، و عشان كدة عادة بتنتشر الظاهره دى فى المجتمعات المتخلفه و بين طبقات الجهال و فى الاوساط المنغلقه فكرياً .
يقول المؤرخ جيبون : الجهل أبو الريبه.
للأسف يوجد بيننا من هو في حقيقته إنسان لما تواجهه مشكله بدل ما يحاول يشوف ايه سببها عن طريق القرايه و الاطلاع مثلاً أو حتى التفكير فى ظروف الأحداث اللى سببت المشكله ، بيبدأ طوالى يلوم التانيين و يتهمهم ، و نادر انه يفكر فى المشكله نفسها ، و طوالى بيحط نفسه فى خانة الصح و التانيين اللى افكارهم بتختلف عن افكاره بيحطهم فى خانة الغلط و بيعتبرهم اشرار.
فى جورنال نيويورك تايمز قال الكاتب الأمريكانى روجر كوهين : إن النوعيه دى من التفكير منتشره زى الوباء و شرح إن العقول دى بتلجأ لنظرية المؤامره لإنها الملجأ الأخير للعاجز ، حيث إن الفاشل فى تغيير حياته بيبرر فشله بوجود قوه أعظم بتتحكم فى العالم.
نظره ضيقه - سببها الجهل - و عدم قدرة صاحبها الذاهل على التعامل مع المشاكل و الاحداث و فهمها بطريقه منطقيه مبنيه على درايه و علم
و زى ما بيحصل كمان فى امراض كتير تجد تفسير متخلف إن وراها جن أو سحر أو عين .
لا أنكر الجن أو السحر أو العين ، لكن مش كل حاجة تحصل نقول جن وسحر وعين .
بالطريقه دى بيلغى الفرد الذاهل مسؤوليته و عقله و بدل ما يتعلم و يفهم بيعتبر ان سبب الاحداث مخططات و مؤامرات شريره.
---
وأخيراً وليس آخراً
أنصح لكل من هيمنت عليه هذه النظرية أن ينظر للعالم بشكل متفتح أكتر
وأن يقرأ كثيراً ، وأن يستمع للجميع
لا أقول له أن يبعد عن الحرص ، ولكن لا تجعل الحرص يوقعك في نظرية المؤامرة .
إستمعوا للعالم أجمع وأستفيدوا من الجميع وأحرصوا على أن تكون لكم الريادة في معرفة الأشياء من حولكم ولا تختزلوا عقولكم في هذه النظرية لمجرد أنكم لا تريدون التفكير لبعض الوقت أو لمجرد أنكم لا تعلمون .

التغييرات الجديدة في أرقام الهواتف المحمولة في مصر

التغييرات الجديدة في أرقام الهواتف المحمولة في مصر

يوم 6 أكتوبر 2011

رسالة من شعب مصر للمجلس العسكري بخصوص 6 أكتوبر

الرسالة دى طبعا رد على البيانات اللي المجلس قرفنا بيها كل جمعة

 

 

إعلانات رمضان 2011 والتعديلات الثورية عليها

تروشيبس
السيناريو المتوقع في محاكمة المخلوع,,,

المشير يدخل وينظر الى مبارك... . . . . ... ... . 

ثم يفتح تروشيبس وياكل منه واحده... 

ثم ينظر للقاضي ويقول : عايز اقولك حاجة ف نفسي..بقالو زمان لازق في الكرسي.. هو وكل كلاب السُلطة..نهشو فـى مصر كأنها تورتة

والعادلي الصاااااااااايع... قلبها شواااااااااارع...

عارف كمان هقولك ايه؟؟ اديلو اعدام يا سعادة البيه

ها ها ها ها ها ها ها
-------

بيبسي

انا اللى استاهل البيبسى .. واسمعوا حكايتى
من شـباب مصرى خلعوا النظام
لشعب عايز تعظيم سلام
روحت للقاضى قولتله إعدمه
قالى اللى يجيب بيبسى انا اخدمه
روحت اجيب بيبسى من الجيش
قالى يا محكمات عسكرية ياأما مفيش
لازم نجيبله البيبسى بسرعة
قبل مليونية يوم الجمعة
تماااااام ولا ايه؟

-------

بيبسي

انا الى أستاهل البيبسى وهحكلكوا حكايتى:
صحيت على المغرب زى العادة
وكلام من حد انا مش محتاج
لقيتلك ماما استلمتنى
وكلام من القلب ظبطتنى
قولتلها يا ماما رمضان كريم
وجريت اجيب لها بيبسى يمكن تلين
لقيت الازازة مفهاش الا شوية صغننين
ولازم اجيب البيبسى قبل ما تخلص علييا
موافقين ولا مش موافقين؟
لو اختارتونى اوعدكم انى هساعد فى تغيير تفكير الامهات
ابعتولى صوتكم ولو التغيير اصواته اكتر بكتير
بيبسى هيساعد فى التغيير

-------

بيبسي

انا اللى استاهل البيبسى
اسمعوا قصتى
بضرب بانجو بعد الفطار
بدفتر بفرة شبه منهار
روحت اون ذا رن اجيب مطرحه
رد واحد جنبى مين روحه
تعبان
خرمان
مش متكيف
لو كان فى بانجو كنت استهلف
لازم نضرب بانجو بسرعه
قبل ما نجيب حشيشه الجمعه
موافقين ولا ايه
ياريت تدونى صوتكوا
عشان لو انا اللى اخدت البيبسى هنساعد فى حل ازمه مخدرات 200000 شاب